Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Legjenda Rudi Vata është protagonisti i radhës që ka komentuar humbjen e Kombëtares Shqiptare në ndeshjen e parë kualifikuese për Euro 2020.
Shqipëria është mposhtur 0-2 nga Turqia në ‘Loro Boriçi’, në një ndeshje ku asgjë nuk funksionoi për kuqezinjtë.
Vata, i cili ka regjistruar 59 paraqitje për Shqipërinë, thotë se Lorik Cana dhe Mërgim Mavraj janë të pazëvendësueshëm për ekipin që në vitin 2016 bëri historinë në futbollin shqiptar.
“E prisja një ndeshje të vështirë. E prisja një Shqipëri me probleme. Kombëtarja shfaqi të njëjtat probleme si në Ligën e Kombëve. Mu duk e çuditshme zgjedhja e Panuccit për të presuar lartë. Krijuam 2-3 raste të mira”, ka deklaruar Vata për RTSH.
“Gjimshiti është lojtarë i bukur nga kallupi, por nuk ka elegancën e duhur dhe agresivitet. Ndoshta është akoma i ri, por mendoj se si Canën dhe Mavrajn është shumë vështirë t’i zëvendësosh. Mendoj që do kemi probleme në qendër të mbrojtjes. Lojtarët nuk kanë freskinë dhe elasticitetin e para 3 viteve. Ajo që më shqetëson është se pësojmë gola dhe nuk shënojmë”./Lajmi.net/

Slider

Na Ndiqni

INSTAGRAM

YOUTUBE