Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

teknikën në futsall
Lucas Moura padyshim se është heroi më i madh i Tottenhamit, pasi shënoi “hat-trick” për t’ia siguruar ekipit kalimin në finale të Ligës së Kampionëve, shkruan The Sun.

Rrëfimi për rrugëtimin e Lucasit – i rritur në varfëri të madhe dhe duke luajtur nëpër rrugët e Brazilit e deri në skenën e madhe të futbollit evropian – është i jashtëzakonshëm, përcjell Koha Ditore.

Sulmuesi i krahut, i cili iu bashkua Tottenhamit në janar të vitit të shkuar për 30 milionë euro nga PSG-ja, ka arritur në majë të futbollit nëpërmjet rrugës së vështirë. Ai është dashur të largohet nga shtëpia në moshën 13-vjeçare për të ndjekur ëndrrën që të bëhet profesionist.

Në qendrën stërvitore ku është zhvilluar si lojtar, Lucas ishte i rrethuar nga bandat, krimi, droga dhe dhuna. Megjithatë, djaloshi i dhënë pas fesë u përqendrua në stërvitjet e tij për të luajtur pastaj me ekipin e Sao Paulos.
Lucas Rodrigues Moura da Silva ka lindur më 3 gusht të vitit 1992. E ëma e tij, Maria ka qenë atlete që pastaj ka punuar si frizere, kurse babai Jorge ishte shërbyes civil.
“Gjithmonë e kam ditur dhe kam qenë e bindur se Lucasi do të bëhej futbollist. Ai gjithmonë më shqelmonte në mitër gjatë muajve të shtatzënisë”, ka thënë e ëma e tij.
Qysh në moshën pesëvjeçare, talenti i Lucasit filloi të vërehej. Shpejt u bë pjesë e akademisë së futbollit “Marcelinho Carioca”. Luajti në këtë shkollë për gjashtë muaj përpara se prindërit e tij të vendosnin se ishte për të mirën e Lucasit që të vazhdonte diku tjetër.
Pas kësaj, Lucasi filloi të luante futsall tek ekipi Clube Santa Maria në Sao Caetano, një zonë metropolitane e Sao Paulos. Pikërisht, duke luajtur futsall, Lucasi e mori nofkën “Marcelinho” për shkak të ngjashmërisë që kishte me legjendën e Corinthiansit. Marcelinho mbetet lojtari më i suksesshëm te Corinthiansi, i cili ka shënuar 206 gola në 420 ndeshje prej vitit 1994 deri më 2021.
Aftësitë e driblimit të Lucasit impresionuan trajnerin Dirceu Gabriel Couto, për të cilin lojtari i Tottenhamit thotë se është njeriu më i rëndësishëm në jetën e tij….(Artikullin e plotë mund ta lexoni në numrin e sotëm të Kohës Ditore)
© KOHA. Të gjitha të drejtat janë të rezervuara.

Slider

Na Ndiqni

INSTAGRAM

YOUTUBE