Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Mbappe ka shuar spekulimet, do të vazhdojë të qëndrojë në Francë te Paris Saint Germaini.
Sulmuesi i talentuar, Kylian Mbappe, ka shkëlqyer mbrëmë në fitoren 3-1 të PSG-së ndaj Monacos.
Ai shënoi tre gola në këtë ndeshje, në minutat 15’, 38’ dhe 55’, për të shkuar në kuotën e 30 finalizimeve deri më tani në Ligue 1.
Ai theu rekord historik në Francë, duk u bërë lojtari më i ri që arrin shifrën e 30 golave në Ligë, derisa u bë vetëm i dyti këtë edicion, pas Lionel Messit, që arrin këtë shifër në top 5 ligat evropiane.
Pas ndeshjes, Mbappe e bëri të qartë se nuk e ka ndërmend të largohet nga PSG-ja, duke i dhënë fund spekulimeve për një transferim të mundshëm në Real Madrid.
“Do të qëndroj në PSG. Jam i lumtur që Zidane është kthyer në Real Madrid. Do t’i shikoj ndeshjet si admirues”, tha pas ndeshjes.
(Kosova Sot)

Slider

Na Ndiqni

INSTAGRAM

YOUTUBE