Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Janë zhvilluar tri ndeshjet e radhës në play offin e NBA.
Toronto Raptors këndellet nga disfata ndaj Orlando Magic në ndeshjen e parë të serisë së play off-it, duke dominuar në të dytën me rezultatin e thellë 111-82, shkruan KosovaPress.
Merita shkon veçanërisht për Kawhi Leonard, që realizoi 37 pikë, pa harruar dhe mbështetjen që mori nga Kyle Lowry që e mbylli takimin me 22 pikë.
Dy ndeshjet e radhës mes këtyre dy skuadrave do të luhen tani në Orlando.
Edhe Denver Nuggets rikthehen tek suksesi, duke barazuar 1-1 serinë e përballjeve me San Antonio Spurs.
114-105 triumfoi skuadra nga Kolorado, që edhe pse u ndodh në disavantazh prej 19 pikësh pak para se të mbyllej çereku i tretë, ia doli të përmbyste gjithçka dhe të fitonte në fund me nëntë pikë dallim.
Më i miri për Nuggets ishte Jamal Murray, që 21 nga 24 pikët e tij i realizoi në çerekun e fundit. Gary Harris shtoi edhe 23 pikë për të vendasit.
E vetmja skuadër deri tani që ka mundur të çojë në 2-0 serinë e përballjeve në play off është Portland Trail Balzers, që mundi përsëri Oklahoma City Thunder, me rezultat 114-94.
C.J. McCollum dhe Damian Lillard shkëlqyen në këtë takim me 33 përkatësisht 29 pikë, ndërsa Maurice Harkless shtoi 14 pikë e 9 “rebound” për vendasit.
Në radhët e skuadrës së Thunder u mundua të bënte diçka më shumë Paul George me 27 pikë në total, por që ishin pak për të shmangur humbjen. Takimi i tretë i serisë do të zhvillohet në orët e para të së premtes në Oklahoma

Slider

Na Ndiqni

INSTAGRAM

YOUTUBE