Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Drejtori për marrëdhënie sportive, Guillermo Amor, ka reaguar ndaj lajmeve se Philippe Coutinho do të transferohet në Manchester United, duke thënë se ai është pjesë e Barcelonës dhe ka edhe disa vite në kontratën e tij me ta.

Manchester Unitedi i ka befasuar të gjithë duke e shprehur interesimin për ish-yllin e Liverpoolit, tani në Barcelonë, Coutinhon, për të cilin është i gatshëm t’i shpenzojë deri në 110 milionë euro

Braziliani iu bashkua gjigantit katalonas në janar të vitit të kaluar, mirëpo mediat spanjolle raportojnë se ai nuk është i kënaqur në Spanjë për shkak të mungesës së minutave të luajtur gjatë këtij sezoni.
CaughtOffside raporton se në garë për transferimin e Coutinhos është edhe vet Liverpooli, mirëpo klube të tjera e kanë shprehur interesimin më bindshëm, si Manchester Unitedi, Chelsea, Manchester City dhe Paris Saint-Germaini.
Manchester Unitedi ka avancuar më së shumti në këtë garë pasi që tanimë e ka kontaktuar Barcelonën për ta pyetur për brazilianin. Mirëpo, ende nuk dihet nëse Coutinho është i gatshëm të shkojë te rivali më i madh i ish-klubit të tij, duke u shkatërruar përgjithmonë reputacionin e tij në Anfield.
“Coutinho është një lojtar me shumë përvojë, një nga lojtarët më të mirë në Evropë dhe ai është gati të luajë edhe për pesë minuta edhe për 90. Ai është një lojtar që mendon më shumë për ekipin sesa për veten”, ka thënë Amor.
“Nuk kam asnjë dyshim se ai është njëri ndër lojtarët më të mirë në botë. AI ka luajtur gjithmonë mirë për Barcelonën, mund të luajë në çdo ndeshje që nga minuta e parë”.
“Barça e transferoi atë sepse ai është njëri ndër më të mirët në botë dhe ai do të na ndihmojë neve shumë. Ai ka edhe shumë vite të mbetura në kontratën e tij”.
(Kosova Sot)

Slider

Na Ndiqni

INSTAGRAM

YOUTUBE