Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Trajneri i Real Madridit, e ka lënë të hapur derën për largimin e Iscon në afatin kalimtarin e janarit, pasi sugjeroi të martën se i takon klubit të vendosë nëse dëshiron ta mbajë apo shesë mesfushorin spanjoll.
Solari e shmangu mundësinë për ta mbështetur Iscon pasi kur u pyet nëse ai, si trajner, do të ishte i lumtur ta lejojë mesfushorin të largohet këtë muaj, transmeton Gazeta Express.

“Ju e thatë vetë. Unë jam thjesht trajner”, tha Solari të martën në një konferencë për media.
Ka pak gjasa që Real Madridi ta shesë Iscon në janar, veçanërisht kur dihet se e ardhmja e Solarit nuk është e garantuar në radhë të parë.
Solari ka kontratë me klubin deri më 2021, të cilën e nënshkroi kur u emëruar trajner i përhershëm në nëntor, por rezultatet e dobëta nënkuptojnë se ai mund ta humbë punën në verë.
Isco, ndërkohë, është lojtari që po vuan më së shumti që prej emërimit të Solarit, edhe pse nën udhëheqjen e Julen Lopeteguit luante rol të rëndësishëm në skuadër.
“Kemi skuadër fantastike dhe më takon mua të zgjedh se kush luan çdo lojë”, shtoi ai. /Gazeta Express/

Slider

Na Ndiqni

INSTAGRAM

YOUTUBE