Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Raportohet se David Beckham i ka ofruar sulmuesit të Barcelonës, Luis Suarezit një kontratë katërvjeçare që të transferohet në skuadrën nga Major League Soccer, Inter Miami.
Ish-lojtari i LA Galaxy, e ka tani në pronësi skuadrën amerikane, ndërsa nga sezoni i ri do t’i drejtojë ata për herë të parë në MLS.
Beckham thuhet se është i gatshëm që t’i ofrojë ish-sulmuesit të Liverpoolit një kontratë katërvjeçare te Miami dhe ta bëjë lider të skuadrës.
BeSoccer raporton se sulmuesi uruguaiani e ka refuzuar ofertën, pasi dëshiron që të vazhdojë të qëndrojë te Barcelona edhe për një sezon, por edhe të luajë në Ligën e Kampionëve.
Luis Suarez mund ta shijojë sezonin e tij të fundit te skuadra katalunase, pasi është duke shkuar në përfundim të karrierës së tij, ku më pas do të vendos nëse do të luajë në Kinë apo Amerikë.
Mesfushori Daniele De Rossi u largua nga Roma pas 18 vitesh qëndrimi në Olimpico, e që poashtu është duke u lidhur me një kalim te Inter Miami i David Beckhamit. /Telegrafi/

Slider

Na Ndiqni

INSTAGRAM

YOUTUBE