Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Arsenal ka pësuar një humbje të befasishme ndaj West Ham United.
West Ham shënoi fitore të madhe para tifozëve të vet, duke arritur që të triumfojë ndaj Arsenal me rezultatin minimal 1:0.
Ishte Felipe Anderson nga më të dalluarit tek vendasit, i cili shkaktoi telashe të mëdha për mbrojtjen e “Gunners”.
Golin e vetëm në këtë takim e realizoi Declan Rice, kur po luhej minuta e 48 e takimit, shkruan lajmi.net.
Arsenal pati dy mundësi të mira për të barazuar rezultatin me anë të Pierre Emerick Aubameyang, por ky i fundit dështoi që të konkretizojë mundësitë e krijuara.
Arsenal mbetet në kuotën e 41 pikëve, duke i dhënë mundësi Manchester United që të barazohen me pikë nëse këta të fundit shënojnë fitore.
West Ham në anën tjetër ngjitet në pozitën e 8, me 31 pikë të grumbulluara pas 22 xhirove. /Lajmi.net/

Slider

Na Ndiqni

INSTAGRAM

YOUTUBE