Vendimi i Eden Hazardit për t’u transferuar në Real Madrid gjatë afatit kalimtar të janarit i prek edhe shumë klube dhe futbollistë të tjerë të Evropës, pasi që transferimi i tij pritet të ketë efektin e “dominos”.
Besohet se superylli belg do të largohet nga Chelsea për t’iu bashkuar skuadrës së Real Madrid në fund të këtij sezoni, pas një periudhe të gjatë spekulimesh për të ardhmen e tij, transmeton Gazeta Express.

Megjithatë, ky transferim nuk i prek vetëm klubin londinez dhe atë madrilen, pasi që nga kjo marrëveshje ndikohen edhe futbollistët e disa klubeve të tjera të Evropës.

Transferimi i Hazardit pritet të jetë fundi për karrierën e Iscos në Santiago Bernabeu. Ai mund të transferohet në Chelsea, ku edhe Mateo Kovacic pritet të shitet sapo ta përfundojë huazimin e tij.

Këto dy transferime në Stamford Bridge ia krijojnë hapësirën Callum Hudson-Odoit për t’u transferuar në Bayern Munich. Talenti i ri anglez e kishte kërkuar këtë transferim edhe në janar, mirëpo Chelsea ia kishte mbyllur derën.
Transferimi i Hudson-Odoit në Bayern Munich do të thoshte se nuk ka më vend në Allianz Arena për James Rodriguez, i cili mund të transferohet në Juventus, pasi këtë gjë raportohet se e ka kërkuar vet Cristiano Ronaldo.
SunSports raporton se përveç Hazardit, Real Madridi do të tentojë ta transferojë edhe Paulo Dybalan. Po të arrihet edhe kjo marrëveshje, Gareth Bale do të detyrohet ta gjejë një klub të ri.
Përkundër që ai nuk ka qenë shumë mbresëlënës gjatë viteve të fundit, Manchester Unitedi është interesuar shpeshherë për uesllsianin. Real Madridi do të tentojë ta shfrytëzojë transferimin e Bale në Old Trafford për ta blerë Marcus Rashfordin, për të cilin madrilenët janë të gatshëm të paguajnë mbi 100 milionë euro. /Gazeta Exp