Portieri i Përfaqësueses së Kosovës ia ka rrëmbyer zemrën trajnerit Pep Guardiola dhe tifozëve të Manchester Cityt
Arijanet Muriç gjatë verës së kaluar një portier anonim, shkruan Gazeta Express.
Manchester City kishte vendosur ta huazonte atë në Holandë tek NAC Breda pasi nuk llogariste një herë për një herë në shërbimet e tij.
Mirëpo, portieri shqiptar nga Mali i Zi ia pa hairin lëndimit të Claudio Bravos.
Trajneri Pep Guardiola vendosi ta rikthente menjëherë atë në skuadër dhe tash portieri i Përfaqësueses së Kosovës është bërë portieri i dytë i “Citizens”.
19 vjeçari u kthye me kënaqësi dhe dalëngadalë e ka bindur trajnerin Guardiola me kualitetin e tij.
Portali “Goal.com” ia ka kushtuar një shkrim portierit shqiptar, i cili ishte lindur në Schlieren të Zvicrës.
Ai ka tri pasaporta, zvicerane, malazeze dhe kosovare.
Muriç e kishte nisur karrierën si lojtar, ndërsa një mik i babait të tij e kishte bindur të përpiqej të bëhej portier.
Ndërsa, fakti se ai luan mjaft mirë me këmbë ka bërë që trajneri Guardiola të mendojë se Muriç, i gjatë 198 centimetra, mund të luajë edhe si qendërmbrojtës.
City me Muriçin e ka të ardhmen e sigurt në portë, njëjtë si Përfaqësuesja e Kosovës. /Gazeta Express/