Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Që Tyson Fury ta zhvillojë rimeçin e shumëpritur me Deontay Wilder, ai fillimisht duhet të fitojë kundër Dilian Whyte, pasi që Këshilli Botëror i Boksit (WBC) ka kërkuar që dy britanikët të ndeshen mes vete.
Tyson Fury dhe Deontay Wilder e kishin përfunduar meçin e tyre për titullin e kampionit të peshave të rënda të WBC-së me një barazim kontrovers, por deri më tani ata s’kanë arritur marrëveshje për zhvillimin e një rimeçi, transmeton Gazeta Express.
Tani, presidenti i WBC-së, Mauricio Sulaiman, ka thënë se britaniku 30-vjeçar duhet ta fitojë meçin kundër Dilian Whyte për ta fituar të drejtën e një rimeçi me Wilderin. Nëse Whyte fiton, atëherë ai do të ketë mundësi ta sfidojë Wilderin për titullin e kampionit të ËBC-së.
“Kur vjen puna te rimeçi Wilder – Fury, ËBC-ja i përdor kriteret tradicionale, duke thënë se fituesi i meçit Wilder – Fury duhet ta zhvillojë ndeshjen e detyrueshme kundër Dominic Breazale”, ka thënë Sulaiman për ThaBokxingVoice.
“Kështu që ne duhet ta urdhërojmë meçin mes Whyte dhe Furyt. Nëse ata e fitojnë ndeshjet, atëherë mund të ndeshen me Wilderin”.
“Ky vendim nuk u pranua nga Whyte, kështu që WBC-ja tani është duke e shqyrtuar apelimin e tij. Gjithçka do të zgjidhet brenda javëve në vazhdim”.
Wilderi do ta mbrojë titullin e tij kundër Dominic Breazale më 18 maj, në Barclays Center në Nju Jork. Në anën tjetër, Fury është duke u përgatitur për meçin kundër gjermanit Tom Schwarz më 15 qershor në Las Vegas. /Gazeta Express/

Slider

Na Ndiqni

INSTAGRAM

YOUTUBE