Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Luciano Spalletti i ka fajësuar drejtuesit e Interit për formën e dobët të Mauro Icardit, duke bërë thirrje që ata ta zgjidhin sa më shpejtë çështjen e kontratës së argjentinasit.
Sulmuesi dhe kapiteni i zikaltërve nuk ka shënuar gol në shtatë ndeshjet e fundit në Serie A, që është ecuria e tij më e dobët që prej se i është bashkuar klubit, transmeton Gazeta Express.
Icardi pati paraqitje të dobët edhe në fitoren e Interit 1:0 ndaj Parmës të shtunën, e cila u vendos nga zëvendësuesi Lautaro Martinez.
Trajneri Spalletti i përmendi bisedimet për ripërtëritjen e kontratës së tij në një konferencë për media pas ndeshjes.
“Paraqitjet e Mauros janë duke u ndikuar nga situata që po vazhdojnë kohëve të fundit. Ai duhet ta lirojë veten nga bisedimet rreth tij”, tha Spalletti.
“Drejtorët u pajtuan për t’i nisur bisedimet për kontratën, prandaj ata duhet të vijnë në një përfundim tani”, shtoi ai.
Bisedimet mes drejtuesve të Interit dhe bashkëshortes dhe agjentes së Icardit, Wanda Ranës, janë u zvarritur tash e disa javë. /Gazeta Express/

Slider

Na Ndiqni

INSTAGRAM

YOUTUBE