Mbrojtësi i skuadrës nga Argjentina, Tomas Ezequiel Guidara, ka gjasa të mëdha që të jetë pjesë e Kombëtares së Shqipërisë. Guidara që është lindur në Cordoba të Argjentinës, por ka rrënjët nga Shqipëria, të mërkurën për mediumet argjentinase ka zbuluar kontaktet me seleksionuesin Christian Panucci.
Ai ka thënë se Panucci e ka ftuar te Shqipëria për shkak të rrënjëve të tij, por që Guidara është ende i pavendosur. Dëshira e tij është që të luajë me Argjentinën, por nuk përjashton mundësinë të pranojë ofertën e Shqipërisë, shkruan sot Koha Ditore.
Guidara është pjesë e skuadrës Atletico Belgrano, që bën gara në Primera Division të Argjentinës. 22-vjeçari prej vitit 2017 është pjesë e ekipit të parë, kurse këtë edicion është titullar i padiskutueshëm, duke regjistruar 18 paraqitje në kampionat.
© KOHA. Të gjitha të drejtat janë të rezervuara.