Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Një herë e një kohë Manchester United dominonte Anglinë dhe konkurronte denjësisht edhe në Champions League, ndërsa Manchester City ishte një klub modest, që shpesh lundronte në fundin e tabelës në Premier League dhe derbi ishte aq pa vlerë, sa tifozët e Manchester United nuk e quanin fare të tillë.
Tani gjithçka ka ndryshuar, sepse dominimi i United ka marrë fund dhe Manchester City është bërë skuadra më e fortë e qytetit, ndërkohë që për herë parë vjen edhe një ndryshim i madh: City vlen më shumë se United, duke qenë klubi me më shumë vlerë në Premier League.
City vlerësohet 2.364 miliardë sterlina, plot 385 milionë më shumë se sezonin e shkuar, ndërsa United është zhytur, sepse vlen 2.087 miliardë, duke humbur 376 milionë sterlina në vlerë.
Në bazë të studimit të publikuar nga nga Universiteti i Liverpulit, 6 skuadrat me vlerë më të lartë në Angli, Manchester City, Manchester United, Spurs, Liverpool, Chelsea e Arsenal, përbëjnë 74% të vlerës së gjithë Premier League.
Në vlerësim, Universiteti i Liverpulit ka llogaritur të dhëna që marrin parasysh të ardhurat e klubit, fitimet, kostot, përfitimet mesatare në shitjet e lojtarëve në periudhë 3-vjeçare, vlera e aseteve dhe shitja e biletave për ndeshje.
Sipas studimit, Burnley është klubi i menaxhuar më mirë, Huddersfield ka pagat më të ulëta (64 milionë sterlina në total sezonin e fundit) dhe Manchester United ka pagat më të larta (296 milionë sterlina). Gjithsesi, me 590 milionë sterlina, United mbetet klubi me të ardhurat më të larta në Premier League.

Slider

Na Ndiqni

INSTAGRAM

YOUTUBE