Sulmuesi i Kombëtares së Shqipërisë, Eros Grezda është dënuar nga një gjykatë në Skoci shkaku i mos-respektimit të rregullave të komunikacionit.
Nuk ka qenë një sezon aspak i lehtë për Eros Grezdën në Skoci.
Shqiptari u ble nga Rangersi për dy milion euro nga skuadra e Osijekut me shpresën e mirë që të bënte një tjetër hap të rëndësishëm në karrierën e tij, por nuk ka gjetur veten.
Si të mos mjaftonin problemet që ka në fushën e lojës, shqiptari ka përfunduar dhe në gjykatën skoceze.
Grezdës iu pezullua patenta duke qenë se humbi pikët e saj. Ai ka vetëm shtatë muaj që jeton në Skoci, por duket se po vuan shumë me rregullat e qarkullimit.
Grezda në aksion gjatë ndeshjes ndaj Italisë
Gjakovari kaloi një semafor me dritë të kuqe dhe u paraqit në gjykatë ku u shpall fajtor dhe iu hoq patenta për gjashtë muaj.
Shqiptari duhet të paguajë dhe 350 funte gjobë për këtë shkelje. Kjo nuk ishte shkelja e parë për të, pasi më herët kishte humbur dhe 12 pikë të tjera.