Pasi u rrit dhe zhvillua në akademinë e Barcelonës, La Masia, mbrojtësi anësor i Eibarit, i shndërruar në anësor të krahut, Marc Cucurella, do të rikthehet në klub të dielën mbrëma.
Ai dëshiron t’ia dëshmojë Ernesto Valverdes se e kishte gabim që nuk llogariti në të për këtë sezon, siç bëri me paraqitjen e tij ndaj Real Madridit në fitoren e pabesueshme 3-0 të Eibarit në Ipurua, transmeton Gazeta Express.
“Nuk ishte aspak lajm i mirë”, tha Cucurella kur u pyet sesi ishte ndier kur e kishte kuptuar vendimin e Barcelonës për të mos e përfshirë në ekipin e parë.
“Për çdo futbollist në akademi, është ëndërr të luash në ekipin e parë. Unë u përpoqa deri në fund, ama nuk ishte e shkruar. Morëm vendim të mirë ama”, shtoi ai.
Ai thotë se për ta mposhtur sonte Barcelonën, Eibari duhet të luajë në mënyrë të përkryer.
“T’i mposhtësh më të mirët në ligë, Real Madridin dhe Barcelonën, duket t’i bësh gjërat në mënyrë të përkryer”, shtoi ai. /Gazeta Express/