Mbrojtësi i krahut të majtë, Luke Shaw, i ka shpenzuar rreth 10 mijë euro për blerjen e disa dhuratave për stafin e Manchester Unitedit. Daily Mail raporton se dhuratat ishin blerë në dyqanin luksoz në Londër, Harrods.
23-vjeçari i bleu rreth 40 shporta me dhurata dhe secila prej këtyre shportave kishte një vlerën prej të paktën 250 eurove. Shportat përbëheshin më së shumti nga artikuj ushqimor, mirëpo në to ishin të përfshira edhe disa produkte të ndryshme luksozë, transmeton Gazeta Express.
Fati i Shaw është përmirësuar gjatë kohës së fundit pasi që ai nuk është ballafaquar me lëndime të shumta e të rënda si në të kaluarën. Kjo ka mundësuar që ai t’i kthehet formës së tij të mirë.
Kjo nuk është hera e parë që anglezi, i cili raportohet se fiton rreth 200 mijë euro në javë, është treguar kaq zemërgjerë me stafin e Manchester Unitedit, pasi që edhe vitet paraprake në klub, ai kishte blerë dhurata për ta.
Ish-lojtari i Southamptonin gjithashtu e kishte vizituar spitalin e fëmijëve për Krishtlindje, së bashke me futbollistët e tjerë të Manchester Unitedit, si dhe i kishte ftuar ish-mësuesit e tij të shkollës fillore për ndeshjen kundër Bournemouthit të dielën. /Gazeta Express/