Bayern Munichu ka kaluar në çerekfinale të Kupës së Gjermanisë, pas fitores shumë të mundimshme 3:2 kundër Hertha Berlinit në kohën shtesë të mërkurën në Berlin.
Hertha Berlini ishte nikoqir i Bayern Munichut në Olympiastadion në Berlin, dhe e bëri kampionin e Bundesligës të djersitët shumë për ta fituar duelin e 1/8 së finales të Kupës së Gjermanisë.
Pasi koha e rregullt prej 90 minutave u mbyll pa fitues 2:2, Bayerni ishte më i zoti në 30 minutat e kohës shtesë duke e shënuar golin e fitores falë Kingsley Coman.
Përkundër dominimit të madh, në kontrollimin e topit dhe krijimin e rasteve, lojtarët bavarezë ishin shumë të pasaktë në realizimin e mundësive.
Ndërkohë, Hertha shënoi dy herë nga tri goditje në total gjatë gjithë ndeshjes.
Maximilian Mittelstadt mori një top dhe pa hezitim shënoi në këndin e poshtëm të majtë të portës së Bayernit, pas vetëm tre minutave lojë.
Reagimi i vizitorëve ishte i përkryer, me Serge Gnabry që shënoi për ta barazuar rezultatin vetëm katër minuta më vonë.
Menjëherë në fillim të pjesës së dytë, Gnabry shënoi përsëri gol të shkëlqyeshëm duke e kaluar Bayernin në epërsi për herë të parë në këtë takim. Por, 20 minuta para fundit, Mats Hummels bëri një gabim trashanik, duke ia dhënë mundësinë Davie Selkes të shënoi për 2:2.
Kjo edhe e coi ndeshjen në kohën shtesë dy herë nga 15 minuta.
Bayerni tregoi forcën e tij dhe fitoi në kohën shtesë me golin e Coman në minutën e 98-të.
Me kaq kampioni i Gjermanisë e siguron një vend në çerekfinale të DFB Pokal.
(Kosova Sot)