Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Arsene Wenger beson se Patrick Vieira do të kthehet në të ardhmen te Arsenali për t’u bërë trajner i skuadrës.
Ish-mesfushori i Topçinjve është duke marrë përvojë si trajner. Në të kaluarën, ai kishte pasur një rol trajnues në ekipin e të rinjve të Manchester Cityt dhe më pas kishte marrë një rol në ekipin New York Cityt në MLS.
Në vitin 2018, u kthye në Francë te skuadra e Nice, ndërsa ekspertët e kanë vlerësuar angazhimin e tij si trajner në Ligue 1.
Madje emri i tij është përmendur si një zëvendësues potencial i Didier Deschamps te kombëtarja e Francës, kur të largohet fituesi i Kupës së Botës.
“E shoh si trajner të Arsenalit një ditë, sepse mendoj se është akoma i ri për të shkuar menjëherë në futbollin ndërkombëtar (te përfaqësuesja). Mendoj se jeta e tij do të shkojë përmes futbollit të klubeve”, ka thënë Wenger për Canal Football Club.
(Kosova Sot)

Slider

Na Ndiqni

INSTAGRAM

YOUTUBE