Manchester Unitedi është gati të paguajë klauzolën e lirimit prej 36 milionë euro dhe të transferojë mbrojtësin e Romës, Kostas Manolas.
Giallorossët janë duke negociuar për të rritur ose hequr klauzolën tërësisht në një kontratë të re, por deri më tani nuk ka pasur marrëveshje mes palëve.
Sipas mediumit italian La Gazzetta dello Sport, Manchester Unitedi është i gatshëm të paguajë 36 milionë euro në fund të sezonit.
Ata gjithashtu do ta tundojnë reprezentuesin grek të largohet nga Stadio Olimpico, pasi pritet t’i ofrojnë një pagë prej gjashtë milionë eurosh në vit.
Manolas ka qenë në Romë që nga viti 2014, ndërsa më parë ka luajtur për skuadrat greke si Thrasyvoulos, AEK Athens dhe Olympiacos.
Manchester United nuk janë të vetmit që janë të interesuar për të transferuar mbrojtësin grek.
Rivali italian, Juventusi, gjithashtu po e mban parasysh situatën, dhe pritet të bëjë të njëjtën gjë sikurse më parë me Miralem Pjanic, të cilit ia pagoi klauzolën. /Telegrafi/