E gjendur në bregun lindor të Kyushut, ishull jugor i Japonisë, prefektura Fukuoka është e njohur për oborret e zbukuruara, për një kështjellë magjike të shekullit të 17-të, një muze të artit i rinovuar së fundi dhe po ashtu për ushqime të detit.
Po ashtu, do të jetë nikoqire e Kupës së Botës në ragbi. Por këtij destinacioni turistik në ngritje mund t’i shtohet edhe një atraksion tjetër në listë në vitet në vijim: shtegu i garave Kitakyushu. Pikërisht këtu ylli në ngritje japonez i MotoGP ka marrë hapat e parë, shkruan sot Koha Ditore.
Në mars, pas një gare dramatike hapëse në Katar, 19-vjeçari Kaito Toba bëri histori duke u bërë motoçiklisti i parë japonez që fitoi një garë në Moto3 dhe i pari në 12 vjet që ka fituar në kategorinë më të lehtë të garave me motoçikleta.
Ai është talent i dalluar në mesin e një numri të madh të motoçiklistëve të rinj japonezë që po dalin në skenë. Po priten gjëra të mëdha nga ai. I lehtë, me fytyrë të re dhe me zë të butë, Toba rikujton përvojat e tij të para në motoçikletë…
