Kyrie Irving ishte i pakapshëm në duelin direkt të skuadrave të lindjes, ku Boston Celtics triumfoi me rezultat 114-112.
Ndeshja ishte e nivelizuar gjatë gjithë takimit, kurse Irving ishte absolutisht më i miri.
Ai realizoi plot 30 pikë dhe mbi të gjitha pikët vendimtar që siguruan fitoren, kurse paraqitje të madhe pati edhe Al Horford me 19 pikë.
Golden State Warriors pati nevojë për vazhdime, ku nuk e vulosi fitoren në takimin ndaj Minnesota Timberwolves të cilët fituan me rezultat 131-130.
Stephen Curry ishte i pandalshëm me 37 pikë të relaizuara, ndërsa Klay Thompson shtoi 20 pikë të tjera në ndeshjen shumë të vështirë që u vulos nga një gjuajtje e lirë e Karl Anthony Towns .
Paul George me 25 pikë e nëntë kërcime ishte i dalluar për OKC ndaj Denverit, por këta të fundit triumfuan me rezultat 115-105.
Në lindje Bostoni dhe Indiana do të diskutojnë për pozitën 4-5 edhe në ndeshjet në vijim pasi kjo determinon se kush është vendas e kush mysafir.
Në anën tjetër Oklahoma gjendet në vendin e tetë në konferencën e perëndimit dhe nëse mbetet në këtëpozitë mund të përballet me Golden State Warriors qysh në rrethin e parë të playoffit. /Telegrafi/