Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Barcelona dhe Real Madridi janë duke kaluar nëpër një periudhë tranzicioni, pasi që katalonasit janë duke u përgatitur për jetën pasi të pensionohet Lionel Messi dhe “Los Blancos” po tentojnë ta kalojnë krizën pas humbjes së Cristiano Ronaldos.
Dy të rinj, nga të dyja klubet, e përfaqësojnë këtë ndryshim. Ousmane Dembele dhe Vinicius, me shpejtësinë dhe teknikën e tyre, mund ta definojnë “El Clasicon” e vjetëve të ardhshme, transmeton Gazeta Express.
Fillimet e karrierës së tyre në këto dy klube nuk kishin qenë aspak të lehta.
Francezi e shpenzoi pothuajse të gjithë pjesën e sezonit të tij të parë me Barcelonën jashtë fushës, për shkak të një lëndimi. Ndërsa, pjesa e parë e këtij sezoni të tij u definua nga incidentet për shkak të mosdisiplinës.
Megjithatë, tani Dembele është bëri njëri ndër yjet e skuadrës së Barcelonës, duke luajtur në krahun e djathtë dhe duke e fituar garën kundër Philippe Coutinhos për një vend në formacionin e parë.
Në anën tjetër, braziliani u transferua gjatë afatit kalimtar të verës së kaluar dhe ai u la të luante me ekipin e të rinjve të Real Madridit, Castillan, para se të shpërthente për ekipin e parë me Santiago Solarin.
Dembele është ende vetëm 21-vjeçar dhe Viniciusi është 18-vjeçar. Për këtë arsye, tifozët e Barcelonës dhe Real Madridit janë duke menduar se çfarë do të bëjnë këta dy lojtarë kur ta arrijnë kulmin e karrierës së tyre.
Megjithatë, katalonasit dhe madrilenët kanë nevojë për këta dy futbollistë tani, pasi që në agjendën e ndeshjeve radhitën dy “El Clasico” të njëpasnjëshme. /Gazeta Express/

Slider

Na Ndiqni

INSTAGRAM

YOUTUBE