Golden State Warriors iu përgjigjën menjëherë Denver Nuggets (fituan një ditë më parë në parketin e Bostonit), duke triumfuar 117-107 ndaj Minnesota Timberwolves.

I papërmbajtshëm në këtë takim Stephen Curry, që realizoi në total 36 pikë, duke qenë i saktë në 8 nga 14 tentativat për tre. U mundua me të gjithë mënyrat të udhëhiqte T’Wolves drejt suksesit Karl-Anthony Towns, por 26 pikët dhe 21 “rebound” e të tij nuk mjaftuan për të shmangur humbjen.
Duke qëndruar në Konferencën e Perëndimit, konfirmohen në vendin e tretë Houston Rockets, që iu imponuan 105-121 Atlanta Hawks. I afrohet shumë “triple-double” James Harden, që e mbylli takimin me 31 pikë, 10 asiste dhe 8 topa të kontrolluar poshtë koshit, ndërsa Clint Capela u shfaq gjithashtu vendimtar me 26 pikë dhe 11 “rebound”. Harden shkruan historinë e NBA-së, pasi bëhet basktbollisti i parë që shënon mbi 30 pikë ndaj të gjitha ekipeve rivale (29) brenda një sezoni.
Në Lindje Milwaukee Bucks u rikthyen te fitorja, pavarësisht mungesës së Giannis Antetokounmpo për një problem në kavilje. Skuadra më e mirë e sezonit të rregullt mposhti 115-101 Los Angeles Lakers, që gjithashtu nuk kishin në përbërje LeBron James për arsye dëmtimi. Ne radhët e Bucks realizoi “double-double” Middleton: 30 pikë e 10 “rebound”, ndërsa për Lakers më i miri rezultoi Kentavious Caldwell-Pope, që e mbylli përballjen me plot 35 pikë.
I papërmbajtshëm D’Angelo Russell në fitoren 121-123 të Brooklyn në shtëpinë e Sacramento Kings, duke shënuar 22 pikë dhe dhënë 12 asiste. Një përmbysje e çmendur e Nets (me e mira në historinë e skuadrës), që nga disavantazhi 103-78 shënuan një rezultat të pjesësh 18-45 në periodën e fundit, për triumfuar në fund me 2 pikë diferencë falë koshit të Rondae Hollis-Jefferson në sekondën e fundit.
Në dy takimet e tjera Charlotte Hornets u mposhtën nga Philadelphia 76ers 114-118, falë 28 pikëve të Ben Simmons dhe thuajse “triple-double” i JJ Redick (27 pikë, 8 asiste dhe 10 “rebound”), ndërsa në fitoren 115-109 të Los Angeles Clippers ndaj Indiana Pacers spikati italiani Danilo Gallinari me 24 pikë.

Rezultatet:
Charlotte Hornets – Philadelphia 76ers 114-118
Atlanta Hawks – Houston Rockets 105-121
Milwaukee Bucks – Los Angeles Lakers 115-101
Minnesota Timberwolves – Golden State Warriors 107-117
Sacramento Kings – Brooklyn Nets 121-123
Los Angeles Clippers – Indiana Pacers 115-109