Benzema po ndihet lider
Sulmuesi francez i Real Madridit, Karim Benzema, thotë se tash po ndihet si lider në sulmin e klubit dhe jo thjesht si shtesë për të ndihmuar Cristiano Ronaldon të shënojë më tepër gola.
Benzema ka shënuar 20 gola këtë stinor, tetë më tepër se gjithë stinorin 2017/18.
Është stinori i parë pa Ronaldon, i cili në verë u transferua te Juventusi.
“Tash jam lider në sulm. Tash ndihem si pikë referuese, ndërsa në të kaluarën isha thjesht si shtesë për Cristianon, po shikoja për të në mënyrë që të ndihmoja atë të shënonte edhe më tepër gola. Unë isha në prapaskenë, tash unë jam ai në skenën kryesore dhe dua të shënoj gola”, ka thënë Benzema, përcjell “France Football”.
© KOHA. Të gjitha të drejtat janë të rezervuara.