Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Për tu rikthyer disi humorin tifozëve të Barcelonës pas humbjes ndaj Levantes në Kupën e Spanjës, ka menduar dyshja Sergio Busquets-Jasper Cillesen.
Mesfushori i cili në këtë sfidë u aktivizua si qëndërmbrojtës dhe portieri holandez në sekondat e fundit të shtesës në pjesën e parë, pas një goditjeje këndi në favor të Levantes kanë simuluar aq keq saqë rrëzimet e tyre në tokë po bëjnë xhiron e botës.
Edhe pse vetëm se janë prekur ose më saktë ledhatuar nga Chema, Busquets dhe Cillesen janë lëshuar plotë forcës drejt tokës sikur të ishin shtypur nga një tren, duke bërë të qeshin të gjithë tifozët e pranishëm në stadium. E bukura qëndron te fakti se si Busquets ashtu edhe Cillesen janë rrëzuar njëkohësisht dhe pa e parë njëri-tjetrin. Pas një jave në Camp Nou do të luhet sfida e kthimit mbetet për tu parë nëse Sergio dhe Jasper do të dhurojnë një tjetër perlë, e cila po pushton rrjetin.

Slider

Na Ndiqni

INSTAGRAM

YOUTUBE