Zlatan Ibrahimovic ka zbuluar se cilësia e futbollit në Premierligë ishte pikërisht ashtu siç e kishte pritur para se të transferohej në Manchester United – e mbivlerësuar.
Pas u largua nga Suedia, Ibrahimovici luajti për katër sezone në Eredivisien e Holandës, shtatë sezone në Serinë A të Italisë, katër sezone në Ligue 1 të Francez dhe një sezon në La Ligën e Spanjës. Gjatë kësaj kohe, ai i fitoi 12 tituj të ligave vendore.
Qendërsulmuesi suedez u transferua në Premierligë në korrik të citit 2016, si 34-vjeçar. Ai kishte pritur se do t’i duhej të përshtatet me futbollin në Angli.
Ibrahimovici i shënoi 17 gola në 28 paraqitje gjatë sezonit të tij të parë në Old Trafford dhe sulmuesi, që tani po luan për La Galaxy në ligën e SHBA-së, mundet vetëm ta imagjinojë se çfarë do të kishte ndodhur nëse do të ishte transferuar te “Djajtë e kuq” dhjetë vjet më parë.
“Ishte saktësisht siç mendova se do të jetë. Shpejtësia ishte shumë e madhe, gjithçka ishte shumë intense. Futbolli ishte i mirë por cilësia ishte paksa e mbivlerësuar, veçanërisht në aspektin teknik”.
“Por, gjithçka ishte me shpejtësi të lartë dhe nëse ti nuk mund ta përballosh presionin atje, nuk mund të mbijetosh. Nuk pendohem që nuk qëndrova më gjatë në Premierligë. Mendoj se gjithçka që ndodh ishte e shkruar të ndodhë”.
“E vetmja gjë që mund ta imagjinoj është se çfarë do të kishte ndodhur po të isha transferuar këtu dhjetë vjet më parë. Do të ishte një histori tjetër. Por, më shumë më vjen keq për tifozët sepse ata do ta kishin parë një përbindësh tjetër”.
(Kosova Sot)