Bayern Munchen arriti të largohet me një barazim pa gola nga sfida me Liverpool në “Anfield”, në një ndeshje ku vendasit krijuan dhe e kërkuan më shumë golin.Një natë e pafat për Sadio Mane, i cili pati disa raste për të shënuar, por nuk ishte nata e tij më e mirë. Senegalezi provoi të bëjë edhe një roveshiatë në pjesën e parë, gjithsesi rezultoi një tentativë e dështuar sepse topi i goditur prej tij përfundoi larg portës së mbrojtur nga Neuer.Klubi gjerman postoi në Twitter direkt pas këtij rasti një fjali të thjeshtë për të ngacmuar sulmuesin 26-vjeçar, “Punë e mirë EA me rregullimet që keni bërë tek roveshiatat”, kujtojmë që EA është kompania që merret me prodhimin e lojës elektronike të futbollit FIFA, vit pas viti.
Nuk ka munguar as reagimi nga EA FIFA France, të cilët i kanë bërë një “retweet” llogarisë së Bayern-it me fjalët: “Jeni të mirëpritur”.