Ndeshjen e rradhës në kampionat Reali i Madridit e ka ndaj Rayo Vallecanos së vendit të fundit, një tjetër derbi ky pas atij ndaj Getafes, por në konferencën për shtyp në prag të kësaj trajneri francez i Los Blancos Zinedine Zidane më shumë sesa për rëndësinë që paraqet ndeshja e rradhës foli për merkato dhe për individë të veçantë si Bale e Benzema me këtë të fundit që ka pësuar një dëmtim dhe do të mungojë në takimin ndaj Rayos.
Neymar dhe Hazard? “Në Madrid shumë endrra bëhen realitet. Shumë lojtarë duan të luajnë këtu. Është normale dhe do të shohim çfarë do të ndodhe”.
Bale? “Ai është i lumtur dhe ka pasur jo pak minuta me mua. Deri në fund të sezonit do të ketë minuta të tjera. Unë nuk jam personi i duhur për të thënë se çfarë duhet të bëjë ai”.
Mungesa e Benzemasë? “Të gjithë janë gati, ndërsa Benzema nuk do të jetë dhe ne do të vendosim një lojtar që do t’i shënojë kundërshtarit. Nuk e them se cili dhe si do luajmë nesër”.