Me Eden Hazard që po afrohet gjithnjë e më shumë për t’u bërë lojtar i Real Madridit, Los Blancos është afër të mbyll edhe një tjetër transferim. Bëhet fjalë për Ferland Mendy.
Gjigantët spanjollë kanë qenë në kontakt me Lyon më shpesh gjatë ditëve të fundit, me dy klubet që shpresojnë të arrijnë një marrëveshje.
Të martën, skuadra franceze prezantoi Juninho Pernambucano si drejtorin e tyre sportiv dhe Sylvinho si trajnerin e ri pasi ata kanë në plan të nisin një epokë të re. Lyon gjithashtu shpresojnë të finalizojnë çdo shitje sa më shpejt, me qëllim gjetjen dhe rekrutimin e zëvendësimeve, përcjell lajmi.net.
Sipas L’Equipe, ka një ofertë në tavolinë nga Real Madrid, por presidenti i Lyon, Jean-Michel Aulas po pret edhe ofertat e Barcelonës dhe Juventusit.
Ndikimi i Zinedine Zidane, i cili ka shprehur dëshirën e tij për mbrojtësin e majtë dhe marrëdhëniet e mira midis dy presidentëve, bën që Reali të ketë avantazhin për ta mbyllur marrëveshjen me të.
Vlera e Mendy, të cilin Lyon e konsideron si pjesë kyçe të skuadrës , është rreth 50 milion euro, por Reali ka ofruar vetëm 30 sosh. /Lajmi.net/