Mesfushori brazilian, Casemiro, tha se nuk ka asnjë kuptim të diskutohet për Cristiano Ronaldon, pas disfatës së Real Madridit, kundër Barcelonës, në gjysmëfinale të Kupës së Mbretit.

Dy golat e shënuara nga Luis Suarezi dhe autogoli i Raphael Varane bënë që Barcelonë të fitojë me rezultat 3:0 në ndeshjen e mbrëmshme, në “Santiago Bernabeu”, duke u kualifikuar në finale me rezultat të përgjithshëm 4:1
Vinicius Junior, 18-vjeçar, i kishte mundësitë më të mira nga skuadra e Real Madridit, në pjesën e parë të “El Clasicos”, por ai nuk arriti ta shfrytëzojë asnjërën nga ta dhe “Los Blancos” u ndëshkuan për këtë në pjesën e dytë të ndeshjes.
Casemiro tha se nuk ka asnjë arsye për të diskutuar për Ronaldon, i cili gjatë afatit kalimtar të verës u transferua në Juventus, përkundër që mungesa e portugezit ishte e vërejtshme në skuadrën e kampionit evropian.
“Nuk mund të flasim për lojtarë të cilët nuk janë këtu. Para një jave, në flisnim për Karim Benzeman si sulmuesin më të mirë, Vinciusin, Lucas Vazuezin… Nuk mund të flasim për Cristianon sepse ai nuk është lojtar i Real Madridit”, tha Casemiro, kur u pyet për mungesën e Ronaldos.
“Të flasësh vetëm për të është e padrejtë. Por, ai është guximtar dhe nuk frikësohet nga askush. Ai luan në një nivel spektakolar, veçanërisht kur merret parasysh mosha e tij”.
Pas largimit të Ronaldos, Real Madridi vendosi të mos e transferojë ndonjë super yll tjetër për ta zëvendësuar portugezin. Madrilenët i blenë Vinciusin dhe Mariano Diazin, por tani nuk e kanë askënd në skuadër që mund t’i shënojë deri në 50 gola për sezon.
(Kosova Sot)