Rëndësia e kapitenit dhe qendërmbrojtësit të Real Madridit, Sergio Ramos, është shumë e madhe dhe kjo gjë kuptohet nga fakti se 32-vjeçari nuk ka munguar në asnjë minutë të ndeshjeve të La Ligës.
Ai do t’i shtojë edhe 90 minuta të tjera në rekordin e tij sonte ne mbrëmje, kur Real Madridi përballet me Real Betisin sonte në stadiumin Benito Villamarin, duke e shtuar shifrën prej 1,620 minutave lojë këtë sezon.
As nën drejtimin e Julen Lopeteguit, e as nën drejtimin e Santiago Solarit, Ramosit nuk i është dhënë mundësia të marrë pushim në asnjë ndeshje të La Ligës këtë sezon, veçanërisht për shkak të vështirësive të Real Madridit deri më tani.
Qendërmbrojtësi do të jetë lideri i skuadrës madrilene edhe një herë sonte, në stadiumin ku ai nuk pritet aspak mirë për shkak të periudhës së tij në Sevilla. Megjithatë, atmosfera e keqe për Ramosin nuk do të jetë pengesë pasi që spanjolli është mësuar tashmë me pritje të tilla.
Madje edhe kur vjen puna edhe te kthimi në stadiumin Ramon Sanchez Pizjuan, në stadiumin e Sevillës, spanjolli merr shumë kritika nga tribunat. Mirëpo, as kjo gjë nuk i pengon asnjëherë Ramosit, i cili vetëm vazhdon të luajë normalisht.
Ndeshja kundër Real Betisit do të jetë një test i vërtetë për Ramosin dhe Raphael Varanes, partneritet ky që i ka sjellë Real Madridit shumë tituj, pasi që ata jo vetëm që duhet të përballen me sulmuesit e Quique Setienit, ata duhet të ndihmojnë edhe në sulm për shkak të lëndimeve të shumta në këtë fazë.
(Kosova Sot)