Drejtori i Ajaxit zbulon mënyrën se si i motivoi lojtarët 30 prill 2019 – 13:04 Drejtori i Ajaxit zbulon mënyrën se si i motivoi lojtarët Klubi holandez e eliminoi Real Madridin dhe Juventusin në rrugën drejt gjysmëfinaleve të Ligës së Kampionëve. Drejtori ekzekutiv i klubit ka treguar se këtë gjë e ka arritur duke i mbajtur yjet në skuadër. Ish-portieri legjendar i Manchester Unitedit, tani drejtor i Ajaxit, Edwin van der Sar, thotë se gjashtë nga yjet e talentuar të skuadrës ishin ftuar në një takim gjatë verës, ku u inkurajuan që të vazhdojnë të qëndrojnë te klubi holandez. Andre Onana, Matthijs de Ligt, Donny van de Beek, Frenkie de Jong, Justin Kluivert, Kasper Dolberg dhe David Neres e kishin shikuar një video ku ata krahasoheshin me legjendat e Ajaxit që kishin luajtur në pozitat e tyre. Van der Sari dhe drejtori sportiv i klubit, Marc Overmars, e organizuan këtë takim dhe vetëm Kluiverti – i cili shkoi në Romë vitin e kaluar – u largua nga klubi. “Ne u thamë: “Nëse doni të jeni legjenda në Ajax, duhet të fitoni diçka të madhe”. Në sytë e mi, kjo ishte me të vërtetë motivuese”, ka zbuluar Van Der Sari për The Guardian. “Ata kishin besim te klubi. Ne kishim nevojë që të flisnim me lojtarët më të rinj: “Na prisni, na besoni. Ne do të sigurohemi që ta kemi një skuadër që do të i sfidojë të tjerat”. Kjo gjë e nxiti mrekullinë te ne”. “Gjatë 20 vjetëve të fundit, shumë gjëra kanë ndryshuar në botën e futbollit, veçanërisht në aspektin komercial. Shumë klube e kanë humbur perspektivën e asaj që futbolli është. Për ne, ën Ajax, gjithçka ka të bëjë me futbollin”. (Kosova Sot) gazeta Kosovare lojtaret Drejtori ajax

Cristiano Ronaldo është akuzuar për sjellje të pahijshme nga UEFA, për shkak të gjestit të tij gjatë fitores në Ligën e Kampionëve javën e kaluar kundër Atleticos me rezultat 3-0.

Ylli i Juventusit kishte kopjuar trajnerin, Diego Simeones, duke festuar pas golit të tij duke i treguar “topet”, pasi që të dy kanë një rivalitet të madh qysh prej kohës kur portugezi kishte qenë pjesë e Real Madridit.
Trajneri i Atleticos ishte gjobitur me 18,000 funte nga UEFA për shkak të festimit të tij i cili u pa duke i kapur topat e tij në drejtim të tifozëve.
Megjithatë, edhe pse Simeone është gjobitur, UEFA nuk është duke menduar ta ndalojë Ronaldon që të mos luaj në çerekfinale të Ligës së Kampionëve me Ajax.
“Pas një hetimi disiplinor të kryer nga një inspektor i etikës dhe disiplinës i UEFA-s në përputhje me “Nenin 55″ të rregulloreve disiplinore nga UEFA, janë hapur procedurat disiplinore pas raundit të 1/8 të Ligës së Kampionëve të UEFA-s për ndeshjen e Juventusit dhe Atletico Madridit, e cila ndeshje u zhvillua me 12 mars në Itali”
“Sjellja jo e duhur e lojtarit Cristiano Ronaldo, Neni 11(2)(b) dhe Neni 11 (2)(D) i rregulloreve disiplinore të UEFA-s , Etika dhe Trupi Disiplinor i UEFA do të merren me këtë rast në takimin e rradhës me 21 mars 2019” , kjo thuhej në deklaratën e UEFA-s.

Slider

Na Ndiqni

INSTAGRAM

YOUTUBE